![](https://www.gaumin.com/wp-content/uploads/2020/07/Susana-Sancho.jpg)
Betidanik izan du irakasle sena. Oso gaztea zela hasi zen klase partikularrak ematen, 17 urterekin. Euskal Filologia ikasi bitartean ere, Bilboko Union Pacific Akademian egon zen Ogasuneko funtzionarioei klaseak ematen. Ondoren, Portugaleteko Udal Euskaltegian aritu izan zen klaseak ematen pare bat urtez, eta harrezkeroztik, hogei urtetik gora jada, hainbat institutu publikotan ibili da euskara eta literatura unibertsala irakasten.
Ez dio inoiz utzi ikasteari, bere lanean hobeto aritzen saiatzeari. Dozenaka ikastaro jaso ditu, hezkuntzaz, irakaskuntzaz, kooperazio-lanez, gamifikazioaz, adimen anizkoitzez…
Etengabe aritu da, hortaz, hezkuntza hobetu nahian eta esperimentatzeko irrikaz (zentzurik onenean esanda, noski).
Emaitza ere nabarmen ona da ikasleekin, sarritan frogatu ahal izan dugun bezala. Biltzen zuen esperientzia eta jakinduria xuxurlatzeko eskatu genion, eta hauxe emaitzak:
![Desioen maskara](https://www.gaumin.com/wp-content/uploads/2021/04/Desioen-Maskara.-azala-213x300.jpg)