Poziktibo (Beldurrak harrapatzen zaituenean)

Izenburua: Poziktibo. Beldurrak harrapatzen zaituenean
Adina: 12-13tik aurrera.
Orrialde kopurua: 102 orrialde (210 x 148 mm).
Gaiak: gazteak eta beldurra, adiskidetasuna eta laguntza, abentura, sormena, oztopoak gainditzea.
Gaumin sormen-etxea, 2023.
Prezioa: 15 euro.
ISBNa: 978-84-121515-6-5.

Sinopsia

Beldurra.
Enaitzek 13 urte ditu. Bideogile izateko ametsa zuen.
Egun batean, ordea, beldur madarikatu bat sentitu zuen barnean.
Eta orain ez du etxetik atera nahi.
Hodeik 14 urte ditu. Enaitzen arreba da. Ausarta. Leiala. Neba babestuko duela erabaki du.

Ezustean, misterioa.
Laguntzeko asmoz, irakasle batek jolas bat proposatuko die neba-arrebei: istorio bat grabatzea kalean.
Pintada misteriotsu batzuk azalduko dira.
Bitxikeriak eta enigma bat osatuko da apurka: aztarnak, parke ezkutuak, txakurtxo galdu bat…

Eta beldurra?
Beldurra hortxe. Alboan. Barnean. Gutxien espero denean eraso egiteko prest.
Altxorraren bila arituko dira.
Baina, beharbada, espero ez duten bestelako sari bat irabaziko dute.

Liburuaren protagonistak

Enaitz
13 urte ditu. Bideoak grabatzea oso maite du, eta zinema-zuzendari izateko ametsa zuen. Lehen. Orain… orain ez. Lehen mutiko normala zen. Baina orain ez da.
Pandemiaren ondoren, beldur handia hartu zion kaleari. Ezin du ondo azaldu zergatia (ezta bere buruari ere), eta lotsa da, ergelkeria koldarra iruditzen zaiolako. Horrek, ordea, ez du aldatzen bere izua: ez da etxetik ateratzeko pausoa emateko gauza.

Hodei
14 urte ditu. Enaitzen arreba da. Neska ausarta eta leiala, eta kirolzale amorratua. Nebaren egoera ikusita, erabaki du haren ondoan izango dela, eta bera ere ez dela etxetik aterako.

Maider
Bokazio handiko irakaslea. Bokazioa, ordea, arazo bihurtu zaio: eskolako lana obsesio bilakatzean, etxeko harremana “alboratu”, eta dibortzioa etorri zaio, mailukada baten moduan. Orain, Maider ez dago ondo. Beldurra hartu dio bakardadeari.
Edonola ere, bera da Enaitzi eta Hodeiri laguntzeko gauza izan daitekeen pertsona bakarra, itxuraz. Haiei laguntzean, bere bestelako beldurrei ere aurre egiten ikasi beharko du, pausoz pauso.

Beldurra
Beldurra ere bada liburuko protagonista. Beldurrak egiten gaituelako garena.
Beldurrak baldintzatzen gaitu gehien, ezinbestean. Ezin dugu inoiz ezabatu, geure parte delako. Baina harekin dantza egiten ikasiz gero, ai, orduan beldurra bera bidaide eta are lagun ere izan genezake.
Beldurraren pausoak ematen ausartuz gero.
Hori izango da protagonisten asmoa, era batean edo bestean. Lortuko ote dute?

Misterioa (jakin-mina)
Beldurrari aurre egiteko orduan, ausardia baino, askotan aproposagoa zaigu jakin-mina.
Misterioa (edo jakin-mina) ere, bereaz, bada istorio honetako protagonista.
Batetik, pertsonaiak mugitzeko amua izango delako.
Bestetik, noski, irakurleak ere harrapatzeko aitzakia izango delako.
Misterioak eramango ditu, eskutik helduta, protagonistak nahiz irakurleak.

Continuar leyendo «Poziktibo (Beldurrak harrapatzen zaituenean)»

Garaziko hilketak

Garaziko hilketak

Garaziko hilketak

Izenburua: Garaziko hilketak. Nor ote erruduna?
Adina: 12-13tik aurrera.
Egilea: Fernando Morillo.
Orrialde kopurua: 106 orrialde (210 x 148 mm).
Gaiak: euskal sinesmen zaharrak, misterioa intriga, Donibane Garazi, adiskidetasuna, bizitzeko gogoa.
Gaumin sormen-etxea, 2021.
Prezioa: 13,50 euro.
ISBNa: 978-84-121515-4-1.

Sinopsia

«Zerbait gaiztoa sumatzen da airean.
Norbaitek antzinako indarrak astindu ditu.»

Lekua: Donibane Garazi, Santiago Bidearen abiapuntu magikoa.
Bortizki hildako bi gorpu: mertzenario bat eta Luzia, herriko emakume edadetua.

Bi protagonista: amona eta biloba, Miren eta Ander.
Zer arraio gertatu da? Zergatik hil dute Luzia?
Ikerketa lanetan arituko dira amona-biloba, aitonaren moto zaharrarekin.

Antzinako indarrak pil-pilean. Lamiak? Botere gaiztoak gauean? Zer da egia? Zer beldurra?
Euskal sinesmen zaharrak eta arriskuz beteriko ikerketa.
Eta amona-bilobaren arteko elkarlana eta konfiantza itzela.

Euskaraz gozatzeko thriller bizia, sekretuz josia eta susmagarri sorta bat. Nor ote erruduna?
Misterioa argitzeko prest?

Sorginak, historia eta kulturaren transmisioa

Intriga, misterioa, umorea eta antzinako euskal sinesmenak dira osagai nagusiak. Donibane Garazin kokatzen da, historiaz eta magiaz beteriko lekua.

Protagonistak amona-biloba dira: Miren emakume edadetua eta Ander gaztea. Konfiantza handia dute elkarrekin, eta ia edozertarako prest dira elkarri laguntzeko.

Anderrek bizitzarekin du arazoa: sinetsita dago ezertarako balio ez duela, eta guztiz gogogabeturik da.

Mirenek heriotzarekin du arazoa: Luzia bere lagunik minena hil dute Donibane Garazin. Hara joan nahi du, zer gertatu den jakiteko. Zergatik hil dute Luzia?
Elkarrekin joango dira Garazira, misterioa argitzeko eta bizitzari zentzu hobe bat aurkitzeko, agian.

Sorginak, mitoak, historia eta kultura.
Abentura, intriga eta polizia eleberriaren erritmoa.
Adiskidetasuna eta Donibane Garaziko inguru zoragarria.
Guztien artean, euskal kulturaren transmisioa eta sustapena.

Continuar leyendo «Garaziko hilketak»

Istorio guztien taupada

Istorio guztien taupada

Izenburua: Istorio guztien taupada. Zeure barneko poema
Adina: 11-12tik aurrera.
Egilea: Fernando Morillo. 
Orrialde kopurua: 102 orrialde (210 x 148 mm).
Gaiak: ipuinen  garrantzia  eta  sendabidea,  narrazioa, adiskidetasuna, desberdina izatea.
Gaumin sormen-etxea, 2021.
Prezioa: 13,50 euro.
ISBNa: 978-84-121515-2-7.

Sinopsia

Joseba naiz. Bitxia naizela diote.
Adrian eta Miren dira nire lagunik onenak.

Adrian bihotza da. Istorioen emozioa, beti alboan duzun laguna. Batzuetan ez du buruarekin pentsatzen eta leku guztietan trabatzen da. Ile kizkurrak sudurreraino jaisten zaizkio askotan. Istorioak maite ditu.

Miren gorputza da. Dena abesten du mugimenduaren bitartez, zentzumenez, besarkadez. Gu hirurotatik indartsuena da. Begi urdin-urdinak eta ile gorria du. Teilatu gorrietan dantzatzea gustatzen zaio. Katurik abilena baino trebeagoa da.

Ni, Joseba, burua izango nintzateke. Askoren ustez, emoziorik gabea. Gezurra. Askoren ustez, zentzumenik gabea. Gezurra. Nik dena ikusten dut. Eta logika bihurtzen.

Nire bi lagun kuttunen beharra dut munduan ibiltzeko. Batez ere, Tere andereñoa salbatu behar izan genuen istorioz beteriko abentura honetan. Continuar leyendo «Istorio guztien taupada»

Txingudiko abentura sinesgaitza. Basajauna eta Lamia

Adina: 11-12tik aurrera.
102 orrialde (formatu handian: 170 x 240 mm).
Gaiak: euskal mitologia, euskal historia, adiskidetasuna, Txingudi ingurua, audioaren (ahotsaren) garrantzia, Hendaia, Irun, barne-beldurrak, Antton Abbadia.
Gaumin sormen-etxea, 2020.
Prezioa: 13,50 euro. 

Sinopsia

Euskal mitoak gure kaleetan, teknologia, historia, arte martzialak eta misterioa.

Enigma iluna agertu da Txingudin. Otsu lagunaren laguntza beharko dute Alarrek, Kaietek eta Nikolek, kondaira-gerra ezkutu baten erdian amaitu dutelako. Baditugu gure basoetan, gure herrietan ere, ikusten ez ditugun izaki mitikoak: Basajauna, Lamia, Inguma, Gaueko… Gure ilusioen edo beldurren zain. Nor da lagun? Nor etsai?

Altxor madarikatu baten bila dabiltza guztiak elkarren aurka, eta ederki astinduko dituzte Txingudi inguruko bazterrak: Aiako Harriak, Irugurutzetako labeak, Abbadia Eremua, Antxeta Irratia, San Martzial ermita, Gaztelu Zaharra…

Nola gainditu altxor madarikatura daramaten aztarnak eta probak? Audio ezkutu batzuetan grabaturiko igarkizunak asmatu behar. Argituko ote dituzte gazteek? Ez ote zaie beste izaki ilunen bat aurreratuko?

Hendaiako Antxeta Irratiaren laguntzarekin.

Abbadiaren sekretua liburuaren jarraipena

Continuar leyendo «Txingudiko abentura sinesgaitza. Basajauna eta Lamia»

Fernando Morillo

Fernando Morillo (Azpeitia, 1974).
Filosofian lizentziatua eta zientziazalea.
Alor ugari landu ditu:
gazte literatura, thriller zientifikoak, dibulgazioa, biografiak…
2011n argitaletxe propioa sortu zuen (Gaumin),
bere istorioak hobeto landu ahal izateko.

Fernando Morilloren liburuak Gaumin Argitaletxean:

Sua piztea baizik (Hegorik gabeko txoria)
Hilezkorra (otsoaren begirada)
Gariren hitzak, Idoiaren hitzak
Meditazio ipuinak, gazteentzat
Meditazio ipuinak, haurrentzat
Izar malkoak
Ixtebe Pellot, azken kortsarioa
Zauri ezkutuak
Trumoi txakurraren negarra
Pasio krimena
Maddi eta euskal sorginak
Maddi eta euskal piratak
Hiru istripu eta bi amodio
Abbadiaren sekretua
Amets ameslari (amaren barruko laguna)
Santiago Bidearen misterioa
Zonbia San Mamesen
Infernuko arrosak

Sua piztea baizik (hegorik gabeko txoria)

Adina: 13-14tik aurrera.
112 orrialde.
Gaiak: hezkuntza, ikastea eta irakastea, laguntasuna, depresio endogenoa, adimen anizkoitzak, norbera aurkitzea, pasioa.
Gaumin sormen-etxea, 2018.
Formatu zabala (165 x 240 mm).
Prezioa: 13,50 euro

Sinopsia

“Hezkuntza ez da ontzi bat betetzea, sua piztea baizik” (W. B. Yeats)

Ermua: mendiek besarkaturiko herria.
Miren, Hodei eta Ismene: hiru lagun. Oraindik elkarrekiko sentimenduak onartu nahi ez, baina ikastetik gertu.
Ispilu misteriotsua: antzinako mago erreal batena, eta beharbada benetan nor zaren erakutsi ahal dizuna.
Izaskun: hezkuntza eraldatu nahi lukeen irakaslea. Nekatua eta gainezkatua, baina dena emateko prest ikasle-irakasleen txinpartak berpizteko.
Hegorik gabeko txoria: Mirenek aurkitu du kalean, eta hala ikusten du bere burua. Hautsia, desilusionatua. Ez du etxetik atera nahi.

Hodeik eta Ismenek denetik biziko dute Mirenen hegoak sendatzearren: lapurretak, borrokak, atxiloketak, sua, izua eta lilura. Izaskunen laguntzarekin, beraien bizitzako abentura biziko dute… ikastetxea iraultzen duten bitartean. Continuar leyendo «Sua piztea baizik (hegorik gabeko txoria)»

Hilezkorra (Otsoaren begirada)

Adina: 13-14tik aurrera.
96 orrialde.
Gaiak: hilezkortasuna, leialtasuna, iragana eta etorkizuna, antzinako historia, mitologia, gizakion alderdi iluna eta autosuntsigarria, norberaren burua gainditzea.
Gaumin sormen-etxea, 2018.
Formatu zabala (165 x 240 mm).

Sinopsia

Zenbait gorpu agertu dira Hernanin, guztiak oso modu bortitzean hilak.
Bittor, hilda zegoen gizon bat, esnatu egin da Donostian. Ez daki zer gertatu zaion, oso bitxi sentitzen dela bakarrik.
Aitziberrek, arkeologia maite duen neska gazteak, oso aurkikuntza berezia egingo du Hernanin bertan, ezkutaturik zegoen antzinako leize batean.
Hura gutxi ez eta, Hernaniko inguruetan, bi hiltzaile dabiltza aske. Gizatiarra bata, hilezkorra bestea.

Ze opari dakar hilezkor bihurtzeak? Ze amets? Ze prezio?
Kondairen xuxurla, beharbada, ez dago guk uste bezain urrun. Arbasoen harri-margoak, otso basatiaren ulua, lamia eternoa… Ginena eta garena.
Kondairetan gordetzen da gure argia. Eta berdin onartu nahi ez genukeen alderdi iluna, gure itzal suntsigarria.

Zeure barru gordea ezagutzeko prest?

Hilezkorra liburuaren nondik norakoa

Irakurketa Errazaren eta “betikoaren” filosofia uztartu nahi dituena, testu irakurterraza eta bizia, eta itxura “normalxeagoan” eskainia… gehigarri pilo batekin batera.

Protagonista nagusiak hilezkorrak dira. Batzuk hala ziren, beste batzuk nobelan ohartzen dira badirela. Ezaugarri horrek aukera handia ematen du hainbat alor funtsezko aztertzeko: zer garen, historia, ustea, beldurra, leialtasuna, tradizioa…
Hernanin kokatua da, eta herriko hainbat gune interesgarri azaltzen dira argazkien bitartez, testua osatzeko: Santa Barbara ingurua, Orona eraikina, Biteri Kultura-etxea, Donostiako Ametzagaina…
Misteriozko istorioa da, gazteentzat. Askoz gehiago ere kontatzen du, ordea, arkeologia, artea, psikologia, modernitatea eta futurismoa,  tradizioa eta mitoa baititu oinarri. Continuar leyendo «Hilezkorra (Otsoaren begirada)»

Meditazio ipuinak (haurrentzat eta gazteentzat)

Meditazio ipuinak, haurrentzat

Egileak: Fernando Morillo eta Susana Sancho
Adina: 7tik aurrera (haurrentzat) eta 11-12tik aurrera (gazteentzat).
64 orrialde.
Gaiak: meditatzeko ipuinak, jolas-ipuinak, sormena, emozioak, sentimenduak.
Gaumin sormen-etxea, 2018.
Formatu zabala (165 x 240 mm).
Prezioa: 13,50 euro

Sinopsia

Eta sormen-atseden txiki bat hartuko bagenu? Eta geure buruarekin jolastuko bagina, barru-aberasten garen bitartean?

Fernandok eta Susanak 20 urte pasa daramatzate eskolaren unibertso zoragarrian. Idazle eta hizlari gisa lehenak, irakasle gisa bigarrenak. Ikasleekin hezkuntzaren magia erein nahian betiere.
Gehiegitan entzundakoa, guraso nahiz irakasleei: “ze zaila zaien gazteei testuei, irakasgaiari, ia edozeri arreta jartzea!”
Estresatuta gaude, gazteak bezala helduok. Nahasita, urduri.

Gazteekin bizitako hainbat esperientzia ardatz, zenbait ipuin berezi eskaintzen dira liburu honetan. Meditazio ipuinak dira. Laburrak. Barrura egiteko erabil ditzakegunak.
Klasean edo etxean irakur daitezke, ozen edo norberak isilean, edota ipuinen audioa entzun (ikus barruan). Ipuinen jarraian, haietan sakontzeko sormen-dinamika batzuk proposatzen dira. Taldean egin daitezke edo bakarka haiek ere.

Ez dago magia handiagorik “behin bazen…” hitzena baino. Demagun gu garela behin bazirenak, berriro izan gintezkeenak. Murgil gaitezen hitzen eta jolasaren magian.

Azalpen apurrak: ipuinak eta ipuin-jolasak

Hauxe litzateke Irakurketa Errazaren mundua zabaltzeko pentsatu dugun formatuetako bat, hainbat irakaslerekin solasean aritu ondoren. Irakurketa Errazaren formatuan ateratzea pentsatzen genuen liburuaren ordez dugun lanetako bat da. Continuar leyendo «Meditazio ipuinak (haurrentzat eta gazteentzat)»

Gariren hitzak, Idoiaren hitzak

Adina: 13-14tik aurrera.
96 orrialde.
Gaiak: bizitzaren esanahia eta norberaren pasioa aurkitu nahia eta beharra, maitasuna, nerabezaroko konfliktoak, musika, irudigintza…
Gaumin sormen-etxea, 2018.
Formatu zabala (165 x 240 mm).
Prezioa: 13,50 euro

Sinopsia

Bi eguneroko aldi berean. Bi korapilo, amets eta bilaketa.

Garik barruan daraman marrazkia aurkitu nahi du, bizitza zer den irakatsiko diona.
Idoiak barruan daraman ametsa aurkitu nahi du, bihotza zer den irakatsiko diona.

Bakoitzak bere hitzetan kontatuko du nola bihurtzen zaizkien bideak, nola bizitzak eta, agian, baita bihotzak ere.
Bi aldetatik has zaitezke, irakurle, nahi bezala. Istorioaren bihotzean amaituko duzu, betiere. Bizitzan bezalaxe.

Gariren hitzak, Idoiaren hitzak liburuaren nondik norakoa

Liburu berezia: bi hasiera ditu aldi berean, bi azal (edo azal bikoitza).

Aspaldian idatzi nuen haren lehen bertsioa (2004an). Hura ez dago eskuragarri jada. Elea argitaletxean atera zen, eta aspaldi itxi zen zoritxarrez.
Urtero-urtero eskatu izan didate liburua irakurleek, oroitzapen ona utzi zuelako eta zenbait gai interesgarri lantzeko aukera ematen zuelako.

Liburuaren berezitasunik handiena bi hasiera dituela da, protagonista bakoitzarentzat bat.
Bi dira, beraz, protagonista nagusiak: Idoia eta Gari. Bien hitzetan ezagutzen dugu istorio baten bi aurpegiak, eta nola joaten diren harilkatzen, apurka, bide ustez bereiziak.
Errealitatearen aurpegi anizkoitza ulertzeko istorio aproposa(k). Continuar leyendo «Gariren hitzak, Idoiaren hitzak»

Ixtebe Pellot, azken kortsarioa

pellot-euskal-kortsarioa-azala_baxua-3

Idazlea: Fernando Morillo
Adin tartea: 14tik aurrera
Orrialde kopurua: 72
Gaia: Euskal piratak, abenturak, askatasuna, itsasoa, maitasuna…
Prezioa: 13,50 euro

LIBURUAREN HASIERA
INFORMAZIO GEHIAGO hementxe, idazlearen webgunean

Sinopsia: 

Bizitza batzuk zailak dira sinesten.
Hain dira ausart, noble, umoretsu, nekaezinak,
existitu daitezkeenik ere ezin dugu ia sinetsi.
Baina hor dugu Ixtebe Pellot, azken kortsarioa.
Itsas-borroka etengabean, askotan hartu zuten preso.
Arriskuz arrisku, sekula etsi gabe, beti egin zuen ihes.
Musika eta dantza maite zituen, eta karkaraz erantzuten zion minari.
Begietara begiratzen zuen. Continuar leyendo «Ixtebe Pellot, azken kortsarioa»

Izar malkoak

Idazlea: Fernando Morillo
Irudi eta diseinua: Mikel Mendibil
Adina: 14tik aurrera
Gaiak: sentimenduen eta sexu hastapenen nahasmena, grinaren itsutasuna eta obsesioa, hacker informatikoak, adiskidetasuna. 
Prezioa: 13,50 euro
Haur eta Gazte Literaturako Euskadi Saria jaso zuen 2003an
Orrialde kopurua: 120
Urtea: 2016

LIBURUAREN HASIERA
INFORMAZIO GEHIAGO hemen, idazlearen webgunean
Liburuaren Irakurketa Gida doan lortzeko, eskatu mesedez hona: gauminhontza@gmail.com

Sinopsia

Beñat. Gaztea. Teknofriki amorratua. Neskekin beno, tira. Oraintxe arte! Aurrean baitu Maider, katu-begi misteriotsu eta erakargarria. Gaua baino ilunagoa eta asmo ezkutukoa.

Maiderrek min egiteraino menperatuko du Beñat, mutila gogor egiten saiatu arren. Sexua eta itzal ilunak zorabiagarriegiak egiten zaizkio, ordea. Gutxi ez, eta Jaione ere inguruan izango du. Continuar leyendo «Izar malkoak»

Amets ameslari

Idazlea: Fernando Morillo
Adin tartea: 9tik aurrera
Orrialde kopurua: 96
Gaia: ametsen indarra, familia, adiskidetasuna, minbizia, oztopoak gainditzea…
2016an Juul sarietako bat irabazi zuen. 
Prezioa: 13,50 euro

LIBURUAREN FITXA
LIBURUAREN HASIERA
IRAKURKETA GIDA
Audioliburua lotzeko (doan), mesedez idatzi hona: gauminhontza@gmail.com
Informazio gehiago hemen, IDAZLEAREN WEBGUNEAn

Ametsez beteriko mutikoa da Amets: lagun, leku, soinu eta usain bakoitzak bere istorioa xuxurlatzen dio.
Ipuin guztiak, ordea, ez dira gozoak izaten, eta egun batean ametsa amesgaizto bihurtzen zaio. Continuar leyendo «Amets ameslari»

Trumoi txakurraren negarra

Idazlea: Fernando Morillo
Ilustrazioak: Mikel Mendibil
Adin tartea: 10-12 urte
Orrialde kopurua: 96
Gaia: adiskidetasuna, heziketa, animaliak, desberdin izatea…
Prezioa: 13,50 euro

LIBURUAREN HASIERA
INFORMAZIO GEHIAGO hemen, idazlearen webgunean

Oinatz eta Goizaneren eskola ondoan bi kale-katu azaldu dira. Beste ikasle batzuek jolaserako erabili nahi dituzte. Katuei min egiteak grazia egiten die. Hura gutxi ez, eta Trumoi txakurra alboko itxitura txiki batean sartua dago. Egunetan ia jatekorik ez, urteetan laztan bat ere jaso gabe.

Oinatz eta Goizane animaliengana hurbilduko dira apurka. Egun batean, suak hartuko du eskolako hegal oso bat. Orduantxe ikasiko dute gazteek zer esan nahi duen lagun izatea. Benetako lagun.

Abbadiaren sekretua

Idazlea: Fernando Morillo Grande. Adin tartea: 10-12
Orrialde kopurua: 144
GAIAK: Antton Abbadia, Abbadia Eremua, adiskidetasuna, euskara, abenturak, historia, zientzia, bidaiak, oztopoak gainditzea…
Prezioa: 13,50 euro

Hendaiako Nekatoeneako Artista egonaldiaren beka irabazi zuen 2011n.
LIBURUAREN FITXA
LIBURUAREN HASIERA
INFORMAZIO GEHIAGO HEMEN, idazlearen webgunean
Liburuaren IRAKURKETA GIDA eta AUDIOLIBURUA doan jasotzeko, eskatu mesedez hona: gauminhontza@gmail.com

Abbadia Eremua liluragarria eta misteriotsua da. Alar eta Kaiet anaiak larriturik daude: badirudi zerbait beldurgarria gertatzen dela han. Bi lagun desagertu dira bertan, eta susmo latz bat dabil airean. Zer munstro mota ezkutatzen da zuhaitz artean edo gaztelu sorgingarrian? Continuar leyendo «Abbadiaren sekretua»

Maddi eta euskal piratak

Testua: Fernando Morillo
Ilustrazioak: Mikel Mendibil
Maddi eta euskal piratak – 1. edizioa – Gaumin, 2014
120 orrialde, koloretan – 16,5 x 22 cm.
Gaiak: euskal piratak, Euskal Herriko historia, Lapurdi, abentura, lagunak, familia…
Adina: 8-11 urte
Produktu kodea: 978-84-942417-7-2
Prezioa: 14,50 euro

LIBURUAREN HASIERA
LIBURUAREN FITXA PDFn
Audioliburu osoa (doan) nahi izanez gero, idatzi mesedez hona: gauminhontza@gmail.com
IDAZLEAREN WEBGUNEAn informazio gehiago. 
MADDI WIKIPEDIAN

Pirata-barku bat Donibane Lohizuneko portuan! Maddik ezin du sinetsi. Abenturazale amorratua da, aitona Antton bezainbeste.
Altxor bilatzaile batek Laffite kortsarioaren altxorra aurkitu nahi du, baina ai, euskal pirata zahar batzuek ez diote utzi nahi. Maddiren, Harriet neba txikiaren eta aitonaren laguntzarekin, aurre egingo diote bilatzaileari Pellot, Suhigaraitxipi, Laffite, Michel Le Basque eta Destebetxo euskal pirata handiek.
Piraten sekretuak, ihesaldiak barkuan, tiroak eta kanoikadak, itsasertzeko bazter ezkutuak, abordatzeak, borrokak, urrezko altxorra, ezpatak dantzan… eta piraten laguntza kodea.
Pirata izan nahi? Continuar leyendo «Maddi eta euskal piratak»

Maddi eta euskal sorginak

Testua: Fernando Morillo
Ilustrazioak: Mikel Mendibil
Maddi eta euskal sorginak- 1. edizioa – Gaumin, 2015
120 orrialde, koloretan – 16,5 x 22 cm.
GAIAK: euskal sorginak, Euskal Herriko historia, Axular, Lancre, Sara herria, lagunak, familia, abentura.
Adina: 8-11 urte
Prezioa: 14,50 euro

2016an Haur eta Gazte Literaturako Euskadi Sarian hautagai izan zen. 
LIBURUAREN HASIERA
Audioliburu osoa (doan) jasotzeko, idatzi mesedez hona: gauminhontza@gmail.com

INFORMAZIO GEHIAGO idazlearen webgunean

MADDI WIKIPEDIAN

Sorginak gauean, Sarako lurretan. Ilargia eta izua. Irrintzien oihartzuna. Adi! Norbait dator odol bila.
Pierre Lancre inkisidorearen garaira bidaiatu dute oraingoan Maddik, Harriet neba txikiak eta aitonak. XVII. mende hasieran daude, euskaldun ugari torturatu eta erre zituzteneko garaian. Zorionez, Pedro Agerre Axular idazle aparta lagun izango dute.
Sorginen sekretuak, ihesaldiak gauean, garrasiak eta ezpatak, akerra, su-garra, akelarrea, irrintziak, antzinakoen jakinduria itzela… eta euskal sorginen konjuru boteretsuenak.
Sorgina izan nahi? Continuar leyendo «Maddi eta euskal sorginak»

Zauri ezkutuak. Bullying-a eskolan

Idazlea: Fernando Morillo
Ilustrazioak: Mikel Mendibil
Adin tartea: 13tik aurrera
Orrialde kopurua: 144
GAIAK: eskola-jazarpena, adiskidetasuna, heziketa, bazterketa, desberdin izatea…
Prezioa: 13,50 euro

LIBURUAREN FITXA
LIBURUAREN HASIERA
FERNANDO MORILLORI ELKARRIZKETA
INFORMAZIO GEHIAGO hemen, idazlearen webgunean 
Liburuaren Irakurketa Gida eta Audioliburua doan jasotzeko, eskatu mesedez hona: gauminhontza@gmail.com

Sinopsia:

Iriaren hirugarren ikastetxea. Ezagunak zaizkio eskolako zauri ezkutuak, eta neska urduri dago. Oharkabean pasatzen saiatuko da hasieran. Baina Unax izeneko mutil berezi eta markatua ere hasiberria da, eta koska krudel bat aurkituko dute berehala: Nora eta Martxel neba-arrebak, itxuraz ikastetxeko benetako jaun eta jabe, eta ikasle bakoitzari mingarrien nola jo jakiten maisu. Iria eta Unax izango dituzte jo-muga nagusietako bat.

Ikasle, irakasle eta gurasoen hamaika ardura, eztabaida eta ahalegin, egoera latzari buelta eman ahal izateko, adiskide, sentimendu eta ezustez beteriko trama ia poliziako batean. Continuar leyendo «Zauri ezkutuak. Bullying-a eskolan»

Hiru istripu eta bi amodio

Idazlea: Fernando Morillo
Adin tartea: 14tik aurrera
Orrialde kopurua: 160
GAIAK: Marie Curie, emakumeak, sexu-orientazioa, nerabezaroko konfliktoak, maitasuna, umorea, ametsak, homosexualitatea…
Prezioa: 13,50 euro
Juul sarietako bat irabazi zuen 2014an

LIBURUAREN FITXA
LIBURUAREN HASIERA
INFORMAZIO GEHIAGO hemen, idazlearen webgunean
Liburuaren Irakurketa Gida eta Audioliburua (doan) nahi izanez gero, eskatu mesedez hona: gauminhontza@gmail.com

Sinopsia

Anuskak eta Galderrek mendi-istripu lotsagarri baten ondoren ezagutzen dute elkar. Anuska liluraturik dago, baina Galderrek sekretu beltz bat ezkutatzen du. Txinpart distiratsu baten ondoren, bereizi egiten dira. Continuar leyendo «Hiru istripu eta bi amodio»

El misterio del Camino de Santiago

Autor: Fernando Morillo Grande.
Edad: a partir de 14 años.
Número de páginas: 80.
Libro escrito en formato Lectura Fácil (Ver: ¿Qué es la Lectura Fácil?).
Temas: Camino de Santiago, amistad, superar los obstáculos…
Idioma: castellano.
Precio: 13,50 euros.

El AUDIOLIBRO está disponible gratuitamente para todos los grupos que lo necesiten. Si estáis interesados, escribid directamente a gauminhontza@gmail.com para recibirlo.

SINOPSIS

Ulises es un viejo marinero.
Su barco naufragó y todos sus compañeros se ahogaron.
Ahora la vida le da miedo.
Kemen es un joven que siempre sonríe,
pero que esconde un terrible secreto.
Ambos se encontrarán en el Camino de Santiago.
Marcharán juntos para cumplir una promesa,
mientras descubren el verdadero misterio del viaje,
que solo conoce quien lo recorre,
y que les cambiará la vida. Continuar leyendo «El misterio del Camino de Santiago»

Santiago Bidearen misterioa

Idazlea: Fernando Morillo
Adin tartea: 14tik aurrera
Orrialde kopurua: 80
Gaia: Santiago Bidea, adiskidetasuna, oztopoak gainditzea…
Prezioa: 13,50 euro

LIBURUAREN FITXA
LIBURUAREN HASIERA
INFORMAZIO GEHIAGO hemen, idazlearen webgunean
Liburuaren Irakurketa Gida eta Audioliburua doan lortzeko, eskatu mesedez hona: gauminhontza@gmail.com

Sinopsia (Irakurketa Erraza formatuan)

Diotenez, Santiago Bideak magia egin dezake ibiltari bakoitzaren baitan.
Ulises marinel zaharra da.
Bere itsasontzia hondoratu zenean,
bera bakarrik atera zen bizirik,
eta beldurra hartu zion bizitzari.
Kemen, berriz, mutil gaztea eta irribarretsua da.
Itxuraz, ezin zoriontsuagoa,
bizitzaz eta bere neska-lagunaz maitemindua.
Biak elkartuko dira Santiago Bidean,
bakoitzak duen promesa sekretua betetzeko asmoz. Continuar leyendo «Santiago Bidearen misterioa»

Zonbia San Mamesen

Idazlea: Fernando Morillo
Adin tartea: 10-12tik aurrera.
Orrialde kopurua: 144, txuri beltzezko irudiekin.
Gaia: umorea, fantasia, adiskidetasuna, gaueko izakiak, beldurra, oztopoak gainditzea, Athletic…
Prezioa: 13,50 euro.

LIBURUAREN HASIERA
INFORMAZIO GEHIAGO hemen, idazlearen webgunean

Liburuaren Irakurketa Gida eta Audioliburu osoa (doan) nahi izanez gero, idatzi mesedez hona: gauminhontza@gmail.com

Inork ez du zonbietan sinesten… bat aurkitzen duen arte. Horixe gertatzen zaie Zoro izeneko gazteari eta haren lagunei. Jauregi zahar baten barruan, zonbi bat ikusi bakarrik ez. Nahi gabe aske ere uzten dute Bilboko kaleetan!
Zorok aitari deitu beharko dio laguntza eske. Baina Zororen aita oso-oso bitxia da, eta erraztasun ikaragarria du dena nahaspilatzeko. Zonbiak Athletic-eko partidu batean amaituko du, hamaikakoan eta arerio baten belarria jaten. Eta mozorro festa baten erdian, «zonbiarena» egiten. Ihesaldi tronpatuak eta bihotzaren dei nahasiak, abentura komiko batean.
Gure mundu honetan Lurralde Ezkutu ugari daude, deabruz eta zonbiz beterik, eta ez zaie umorerik falta! Continuar leyendo «Zonbia San Mamesen»

Kai, txakur bidaiaria

Testua: Fernando Morillo
Irudi eta diseinua: Mikel Mendibil
21 x 21 zm.
60 orrialde, koloretako irudiekin.
Adin tartea: 6-8 urte
Gaiak: adiskidetasuna, umorea, desberdintasunaren onarpena, nahasmenari aurre egitea…
Prezioa: 13,50 euro.

AUDIOLIBURUA

INFORMAZIO GEHIAGO idazlearen webgunean

Kaitxakur berezia da. Txakurtokietan bizi da, txakurren herrian. Edo txak-herrian, nahiago baduzue. Arazo handi bat dauka. Kai gaixoa nahasirik dago azkenaldian. Ama ardi-txakurra du eta aita, berriz, ehiza-txakurra. Eta bera? Berak ez daki ziur zer nahi duen! Artzain aritu? Ehiztari? Karramarroen olatu-dantzan jardun? Kaioak bezala hegan egin? Etenik gabe munduan zehar bidaiatu? Continuar leyendo «Kai, txakur bidaiaria»

Pasio krimena

Idazlea: Fernando Morillo
Adin tartea: 16tik aurrera
Orrialde kopurua: 208
Gaia: pasioa, intriga, zientziaren historia, adiskidetasuna…
Prezioa: 15 euro

LIBURUAREN FITXA
LIBURUAREN HASIERA
Informazio zabalagoa hemen, IDAZLEAREN WEBGUNEAn
Liburuaren Irakurketa Gida doan lortzeko, eskatu mesedez hona: gauminhontza@gmail.com

Xoel filosofo gazteak eta June ingeniariak maitasun istorio pasional bezain suntsigarria bizi ondoren, kontaktua etetea erabaki zuten. Orain, Juneren familia obsesiboak heriotza mehatxuak jaso ditu, eta neskak laguntza eskatzen dio.
Xoel Ainitzerekin azalduko zaio, hura ere maitale ohia eta fisikari berezi samarra.
Neska baten gorpu birrindua agertzen den unean, Juneren aita desagertu egiten da. Biktima edo hiltzaile? Susmagarri bat bestearen atzetik, ekaitzen zientzia bortitza, kaos-dantzaren misterioa, dirutza ederra jokoan, hilketak, amorrua eta maitasuna, sexuaren indarra eta itsukeria, adiskidetasunaren gozoa.
Pasioaren gatza eta latza. Continuar leyendo «Pasio krimena»

Izuaren Pasabidea

Idazlea: Fernando Morillo
Adin tartea: 12-14
Orrialde kopurua: 192
Gaia: bazterketa, albinismoa, lagunak, oztopoak gainditzea, abenturak, beldurra, magia, jelosia, animaliak…
Prezioa: 13,50 euro

LIBURUAREN FITXA
LIBURUAREN HASIERA
Informazio zabalagoa hemen, IDAZLEAREN WEBGUNEAn 
Liburuaren Irakurketa Gida eta Audioliburua doan lortzeko, eskatu mesedez hona: gauminhontza@gmail.com

Xabin Tanzaniatik etorritako albinoa da. Han, beltzen arteko zuria zen. Gurean ere, Xabin desberdina da. Zurien arteko… beste zerbait. Beti beste zerbait.
Desberdina izaten ikasi beharko du.
Anais 400 urteko sorgin “gaztea” da, beltzez jantzia eta beldurgarria. Ama salbatzearren, Anais edonor txikitzeko prest dago. Amesgaiztoen Etxean bizi da, Izuaren Pasabidea izeneko gune arriskutsu bat dagoelako bertan, eta Xabin engainatu nahiko du han sartzeko.
Abenturaz beteriko istorio magiko eta beldurgarria, adiskidetasunaz eta bazterkeriaz hitz egiten diguna. Continuar leyendo «Izuaren Pasabidea»

Hildakoei esker eta haien erruz

Idazlea: Fernando Morillo
Adin tartea: 15etik aurrera
Orrialde kopurua: 184
Gaia: izua, heriotza, beldurra, auto-ezagutza, misterioa, familia…
Prezioa: 13,5 euro

LIBURUAREN FITXA
LIBURUAREN HASIERA
INFORMAZIO GEHIAGO hemen, idazlearen webgunean
Liburuaren Irakurketa Gida eta Audioliburua (doan) nahi izanez gero, eskatu mesedez hona: gauminhontza@gmail.com

Gauaren itzaletan ezkutatzen den maitasuna sentitzeko istorioak dira.
Lau narraziok osatzen dute liburua. Barne-emozioa eta pasioa dituzte oinarri, eta gizakion alderdi ilunak azaltzen dira bihotzaren garrasiekin batera: obsesioa, etsipena, sekretu ilunak, eromena… Sentimendu beltzak, eta odolaren gorrizkoak.
Maitasuna pizgarri, artearen izenean egin daitezkeen bortizkeriak ikusten dira, familian gorde nahi izandako sekretu lotsagarriak, hiltzen ez dakiten hiltzaile afizionatuak, gutako edonoren eromen eta basakeria-grinak. Continuar leyendo «Hildakoei esker eta haien erruz»

Deabruaren letaginak

Idazlea: Fernando Morillo
Adin tartea: 15etik aurrera
Orrialde kopurua: 164
Gaia: fantasia, umorea, sexua, adiskidetasuna, sorginkeria, zientzia…
Prezioa: 13,5 euro

LIBURUAREN FITXA
LIBURUAREN HASIERA
INFORMAZIO GEHIAGO hemen, idazlearen webgunean
Liburuaren Irakurketa Gida eta Audioliburua (doan) nahi izanez gero, eskatu mesedez hona: gauminhontza@gmail.com

Euskal mitologiako izakiak gauean, errealitatean eragiten duten marrazkiak, inbokazio diaboliko dibertigarri bat, aingeru “perfektu” baten ingurukoak, Jesukristoren bila joaten den gizon baten istorio sarkastikoa…
Deabruaren ironia eta txantxa-gosea aitzakia hartuta, gizakiok gorderiko grin eta bihotzetan murgiltzen diren bost narrazio dira.
Gehienak egunerokotasunetik abiatzen dira: maitasun korapiloak, grinaren eta bihotzaren arteko lehia, beste “zerbait” probatu nahia… Bat-batean, deabrukeriaren bat azaltzen da. Umore zuria nahiz beltza, erotismo samurra eta basatia, fantasia ironikoa eta giro mitologikoa. Continuar leyendo «Deabruaren letaginak»

Marko panpinak trapuzko amets

Egilea: Fernando Morillo
Irudiak: Iban Izagirre
Formatu etzanean egina, 21 x 14,8cm.
80 orrialde, koloretako irudiekin.
Adin tartea: 6-8 urte
Gaia: Neska baten eta panpinatxo bizidun baten arteko harremana.
Prezioa: 13,50 euro.

Marko panpinak trapuzko bihotza du, eta ezker-begia, bihotz-begia. Baina sentitu ezin dituenak sentitzen dituela uste du. Eskuin-begiaren hutsuneagatik ote? Begi horren bila inoizko abenturarik handiena biziko du… eta inoiz pentsatu ez zuen altxor ezkutua aurkituko!

Berezitasunak: Marko panpinarentzat, mundua toki konplexua da. Esate baterako, zaila egiten zaio jelosia edo sentimenduak ondo maneiatzea. Markoren eskutik, irakurle gaztetxoak funtsezko euskarri batzuk bereganatuko ditu: nola egin aurre beldurrari, bakardadeari, ezezagunari edo benetako lagun bat.

Mugatzen gaituzten kateak hobeto ezagutzen eta gainditzen ikasiko du. Markok, eta sentimenduak nola ulertu eta nola aberastu, lagun zahar eta berrien alboan. Continuar leyendo «Marko panpinak trapuzko amets»

El fuego de las sombras

Itzalen sua, baina gaztelaniaz. Liburua baino gehiago: testuari estu besarkatuak eta haren gainetik dabiltza hegan ilustrazio zinematikoa eta interakzio artistikoak, infografia eta musika, estilismoa, makillajea eta antzezpena. Asko batean. Mari jainkosa, Sugaar dragoia, Gaueko, Aker, Sorgin, Basajaunak… Betiko euskal mitologia gure mundura jaiotzen deneko abentura hutsa, ez jada gaurko begiradarentzat, iristear zaigun beste zerbaitentzat baizik. Entzuten duzue, ezta? Hain zuzen ere: etorkizuna da.

Idazlea: Fernando Morillo.
Irudiak: Xanti Rodriguez.
Adin-tartea: 14tik aurrera.
Orrialde kopurua: 128.
Prezioa: 21,50 euro

Itzalen sua

Idazlea: Fernando Morillo
Irudiak: Xanti Rodriguez
Adin-tartea: 14tik aurrera
Orrialde kopurua: 128
Prezioa: 21,50 euro

Itzalen sua liburua da… Barkatu. Ez da liburua: testuari estu besarkatuak eta haren gainetik dabiltza hegan ilustrazio zinematikoa eta interakzio artistikoak, infografia eta musika, estilismoa, makillajea eta antzezpena. Asko batean.
Mari jainkosa, Sugaar dragoia, Gaueko, Aker, Sorgin, Basajaunak… Betiko euskal mitologia gure mundura jaiotzen deneko abentura hutsa, ez jada gaurko begiradarentzat, iristear zaigun beste zerbaitentzat baizik. Entzuten duzue, ezta? Hain zuzen ere: etorkizuna da.

LIBURUAREN HASIERA
IDAZLEAREN GEHIGARRIAK